कविता कमाल की

मोबाइल  ***************** आज काल मोबाइल के जमाना हे , सबो काम इही म होवत हे। चलात हावय दिन भर ,  अऊ उही ल धर के सोवत हे। सरकार ह फोकट म मोबाइल बांटत , जनता मन ह खुश होगे हे। 6 महिना के रिचार्ज करवा के , बेलेंस ल भरवा दे हे। काम बूता कुछ करना नइहे ,  दिन भर मोबाइल चलावत हे। वाटसप अऊ फेसबुक ल देखके , मुसुर मुसुर मुस्कावत हे। आजकल छोटे लागे न बड़े ,  सबो झन करा मोबाइल हे। दिन भर बिजी रहिथे, सबो के चेहरा म स्माइल हे। इयर फोन ल लगाके , रात दिन सुनत रहिथे गाना। टूरा अब्बड़ बिगड़ गेहे, कमाना न धमाना। प्रिया देवांगन "प्रियू" पंडरिया  जिला - कबीरधाम  PRIYADEWANGANPRIYU